काठमाडौं । प्रधानमन्त्री केपी शर्मा ओलीले अनुशासन योगको पहिलो सूत्र भएको बताउनुभएको छ ।
शनिबार ललितपुरमा ११औं विश्व योग दिवसको अवसरमा आयोजित कार्यक्रमलाई सम्बोधन गर्दै उहाँले यस्तो बताउनुभएको हो । उहाँले नेपाली समाजमा अनुशासनको कमी रहेको बताउनु भयो ।
उहाँले आज विश्वमा अहिंसा र शान्ति चाहिएको यसको पूर्ति योगले मात्रै गर्नसक्ने जिकिर गर्नुभयो । हतियारधारी र अहंकारीहरूले योग र अनुशासन बुझ्न जरूरी रहेको उहाँले बताउनु भयो । मान्छेको अहंकार सबैभन्दा ठूलो खतरा रहेको उहाँकाे भनाइ छ।
प्रधानमन्त्री ओलीले आवश्यकता नभएका कुराहरूको लोभ गर्न नहुने बताउनु भयो । उहाँले आफूलाई स्वस्थ राख्नुपर्ने बताउनु भयो ।
