काठमाडौं । एक सातादेखि बढेको काठमाडौं उपत्यकाको वायु प्रदूषण अझै कम भएको छैन । आज पनि वायुको गुणस्तर कमजोर देखिएको छ ।
ललितपुरको भैंसेपाटी क्षेत्रमा त अपराह्न वायुको गुणस्तर खतरनाक तहसम्म पुगेको थियो । वातावरण विभागका अनुसार भैंसेपाटी क्षेत्रमा आज अपराह्न वायुको गुणस्तर खतरनाक तह अर्थात् एक्यूआई ३ सयभन्दा बढी देखिएको थियो ।
अहिले काठमाडौंका प्रायः स्थानमा वायु गुणस्तर अस्वस्थ्यकर छ । केही दिन यता वायुको गुणस्तर खस्किएसँगै अस्पतालमा स्वास्थ्य समस्या लिएर पुग्नेहरू बढ्न थालेका छन् ।
मौसम पूर्वानुमान महाशाखाले तत्काल पानी पर्ने वा वेगसँग हावा चल्ने सम्भावना नरहेको जनाएको छ ।
