सुर्खेत। मध्यपश्चिम विश्वविद्यालय सुर्खेतको केन्द्रिय क्याम्पसमा भएको स्वतन्त्र विद्यार्थी यूनियनको निर्वाचनमा नेपाल विद्यार्थी युनियनको प्यानल निर्वाचित भएको छ ।
नेपाल विद्यार्थी युनियनका उम्मेदवार विवेक खड्काले एक हजार एक सय ८८ मत ल्याएर निर्वाचित हुनुभएको छ भने उहाँनिकटत्म प्रतिद्वन्द्वी अनेरास्ववियुका जगतजंग शाहिले ९०८ मत ल्याउनुभएको छ।
सचिवमा नेविसंघका भुपेन्द्र आचार्यले १ हजार ३ सय ९६ मत ल्याएर निर्वाचित हुनुभएको छ । उहाँका प्रतिद्वन्द्वी भुपेन्द्र भण्डारीले ७ सय ९ मत प्रप्त गर्नुभएको छ।यसैगरी कोषाध्यक्षमा लोकप्रसाद रिजालले १ हजार २सय ५५ मत ल्याएर निर्वाचित हुनुभएको छ ।
उहाँका प्रतिसपर्धी बिक्रमसिह मन्दिरले ८ सय ९३ मत प्राप्त गर्नुभएको छ। यसैगरी सदश्यमा नेविसंघका गण्श थापा, निसान्त शाही, प्रकास सिंह, प्रतिक्षा थापा, विकासकुमार थापा, विष्णुराज थापा र शिवराज ढकाल निर्वाचित भएका छन ।
४ हजार ३८३ मतदाता रहेको विश्वविद्यालयमा १९ सदस्यीय कार्यसमिति चयन हुनेछ । चैत १८ गते भएको निर्वाचनबाट अध्यक्ष, सचिव र कोषाध्यक्षसहित १० जना प्रत्यक्ष र ९ जना समानुपातिक गरी १९ जनाको कार्यसमिति रहनेछ ।
स्ववियु अध्यक्षमा यसपटक सात भ्रातृ सङ्गठन र एक स्वतन्त्र गरी ८ जनाले उम्मेदवारी दिएका थिए । त्यस्तै स्ववियुको सचिवमा पदमा ७ जना, कोषाध्यक्ष पदमा ६ जना र सदस्य पदमा ३२ जनाको उम्मेदवारी परेको थियो ।
सदस्यमध्ये सात जना प्रत्यक्ष निर्वाचनबाट र सात जना समानुपातिक पद्धतिबाट निर्वाचित भएका छन । निर्वाचित १४ जना सदस्यमध्येबाट कार्यसमितिले एक उपाध्यक्ष र एक सहसचिव चयन गर्ने व्यवस्था छ । यसरी कार्यसमितिमा पाँच जना पदाधिकारी र १२ जना सदस्य रहने छन् ।
