काठमाडौं । राजतन्त्र समर्थित राष्ट्रिय प्रजातन्त्र पार्टीसहित केही समूहले आज काठमाडौंमा प्रदर्शन गरेका छन् ।
राप्रपाका नेता कार्यकर्तासहित पूर्वराजा ज्ञानेन्द्र शाह समर्थित पक्षले काठमाडौंमा प्रदर्शन गरेको हो । प्रदर्शनकारीले राजसंस्थाका पक्षमा नाराबाजी समेत गरेका छन् । प्रदर्शनका कारण कोटेश्वरदेखि त्रिभूवन अन्तर्राष्ट्रिय विमानस्थल हुँदै गौशाला क्षेत्रको आवागमन अस्तव्यस्त भएको छ ।
सडक अवरुद्द हुँदा विमानस्थल हुँदै आउने-जाने पर्यटकले समेत निकै सास्ती खेप्नुपरेको छ ।
पोखरा पुगेका पूर्वराजा शाह आज काठमाडौं आउने कार्यक्रम रहेकाले राजतन्त्र समर्थकहरु उहाँको स्वागतका लागि भन्दै त्रिभुवन विमानस्थल अगाडि ठूलो संख्यामा भेला भएका हुन् । त्यस क्षेत्रमा सुरक्षा व्यवस्था कडा पारिएको छ ।
