काठमाडौं । काठमाडौंको नागार्जुन नगरपालिकाका निलम्बित नगरप्रमुख मोहनबहादुर बस्नेत विरुद्ध अकुत सम्पत्तिमा मुद्दा दर्ता भएको छ । बस्नेत विरुद्धको यो तेश्रो मुद्दा हो ।
गैरकानुनी रूपमा सम्पत्ति आर्जन गरेको अभियोगमा अख्तियार दुरुपयोग अनुसन्धान आयोगले आज बस्नेत विरुद्ध विशेष अदालतमा पुनः भ्रष्टाचार मुद्दा दायर गरेको हो । बस्नेतले ८ करोड ६९ लाख गैरकानुनी रूपमा आर्जन गरेको र उक्त रकम भ्रष्टाचारबाट कमाएको दाबी अख्तियारको छ ।
बस्नेत विरुद्ध यसअघि भष्ट्राचारमा ९ करोड २२ लाख र सम्पत्ति शुद्धीकरणमा १३ करोड १२ लाख बिगो दाबी सहितका दुई वटा मुद्दा विशेष अदालतमा दर्ता भइसकेका छन् ।
