काठमाडौं । नेपाली कांग्रेसका सभापति शेरबहादुर देउवा र जसपा नेपालका अध्यक्ष उपेन्द्र यादवबीच भेटवार्ता चलिरहेको छ । सरकारले संसद्मा पेश गरेका अध्यादेशको पक्ष वा विपक्ष केमा उभिने भन्ने निर्णय गर्न देउवा-यादवबीच संघीय संसद् भवन नयाँ बानेश्वरमा भेटवार्ता चलिरहेको हो ।
छलफलमा गृहमन्त्री रमेश लेखक र जसपा नेपालका तर्फबाट राजकिशोर यादव पनि सहभागी हुनुहुन्छ ।
सत्तापक्षले राष्ट्रिय सभाबाट सहजरूपमा अध्यादेश पारित गर्न जसपा नेपाललाई मनाउने प्रयास गरिरहेको छ । हिजो प्रधानमन्त्री केपी शर्मा ओली र जसपा नेपालका अध्यक्ष उपेन्द्र यादवबीच यसबारे छलफल समेत भएको छ ।
