रूपन्देही । बुटवलमा रहेको सुप्रिम बचत तथा ऋण सहकारी संस्थाको रकम हिनामिना सम्बन्धी पूरक अभियोजनको मुद्दा दर्ताका लागि रूपन्देही जिल्ला अदालतमा पेश गरिएको छ ।
जिल्ला सरकारी वकिलको कार्यालयले आज दिउँसो करिब १ बजेतिर २२ जनालाई प्रतिवादी बनाएर अदालतमा मुद्दा पेश गरेको हो । अदालतमा फाइल र प्रमाणहरू पेश गर्ने कार्य भइरहेको छ ।
प्रहरीले अनुसन्धान प्रतिवेदनमा पूरक अभियोजन अन्तर्गत रवि लामिछाने, छविलाल जोशी लगायतका १४ जनालाई प्रतिवादी बनाउन राय दिएको थियो । यसअघि गएको बिहीबार थप अभियोजन अन्तर्गत १७ जनालाई प्रतिवादी बनाएर मुद्दा दर्ताका लागि अदालत पेश भएको थियो । उक्त मुद्दा समेत रूजु गर्ने काम नसकिएकाले दर्ता भएको छैन ।
