उदयपुर । उदयपुरको सदरमुकाम गाईघाटमा आज ट्र्याक्टरले स्कुटरलाई ठक्कर दिँदा स्कुटर चाललको मृत्यु भएको छ । गाईघाट बजार स१त ७८२१ नम्बरको ट्र्याक्टरले प्रदेश१–०५–००१प ७६८४ नम्बरको स्कुटरलाई पछाडिबाट ठक्कर दिँदा स्कुटर चालक रौतामाई गाउँपालिका वडा नं ७ मुर्कृचीका ४० वर्षीय बासु खड्काको मृत्यु भएको हो ।
दिउँसो करिब १२ बजे दुर्घटना भएको हो । खड्कालाई उपचारका लागि जिल्ला अस्पताल उदयपुर लगिएकोमा अस्पतालले उनलाई मृत घोषणा गरेको थियो ।
ठक्कर दिने ट्र्याक्टर र चालक त्रियुगा नगरपालिका-४ निवासी क्रान्ति चौधरीलाई जिल्ला प्रहरी कार्यालय उदयपुरले नियन्त्रणमा लिएर थप अनुसन्धान गरिरहेको छ ।
.png&w=400&height=300)
