महोत्तरी । महोत्तरीको बर्दिवासमा बसको ठक्करबाट एक जना पैदलयात्रुको मृत्यु भएको छ । पूर्वपश्चिम राजमार्ग अन्तर्गत बर्दिवास नगरपालिका-१ रातोपुलमा काठमाडौंबाट इलामतर्फ जाँदै गरेको बागमती प्रदेश ३–००१ख २७२९ नम्बरको बसले गए राति १२:५० मा ठक्कर दिँदा एक पुरुषको मृत्यु भएको हो ।
अन्दाजी ५५ वर्षीय पुरुषको उपचारको क्रममा बर्दिवास अस्पतालमा राति साढे १ बजे मृत्यु भएको इलाका प्रहरी कार्यालय बर्दिवासका प्रहरी नायब उपरीक्षक रेवतीरमण पोखरेलले जानकारी दिनु भयो । मृतकको सनाखत हुन बाँकी छ ।
ठक्कर दिने बसलाई सिरहाबाट प्रहरीले नियन्त्रणमा लिएको छ । बस चालक धादिङको थाक्रे गाउँपालिकाका राजेन्द्रप्रसाद प्याकुरेललाई प्रहरीले पक्राउ गरेको छ ।
उनलाई आज बिहान पाँच बजे महोत्तरी ल्याइपुर्याइएको र थप अनुसन्धान भइरहेको डीएसपी पोखरेलले जानकारी दिनु भयो ।
.png&w=400&height=300)
.png&w=350&height=150)
