काठमाडौं । गत वर्षभन्दा यस वर्ष भाइ मसलाको मूल्य बढेको ग्राहकको गुनासो छ । असोज दोश्रो साताको बाढी र पहिरोले पनि भाइमसलाको मूल्य करिब ३० प्रतिशतले बढेको काठमाडौंका व्यापारीहरुले बताए ।
बढी आयात हुने मुलुक पाकिस्तान, भारतमा पनि यसवर्ष बाढीको प्रभाव बढी परेकोले पनि यसपालिको तिहारमा भाइमसलाको भाउ निकै बढेको व्यापारीहरुको भनाइ छ । मूल्य महँगो भएकोले ग्राहकले कम किनमेल गरेको र व्यापार पनि घटेको उनीहरुले बताए ।
बजारमा यस वर्ष प्रतिकेजी काजु २२ सय, बदाम सत्र सय, किसमिस ६ सय, ओखर ५ सय ५० सम्म पुगेको छ ।
