काठमाडौं । वीर अस्पतालमा उपचाररत कीर्तिपुर नगरपालिकाका मेयर राजकुमार नकर्मीको निधन भएको छ । मेयर नकर्मीको बिहीबार राति निधन भएको कीर्तिपुर नगरपालिकाले जानकारी दिएको छ । नगरपालिकाले उहाँको निधनको शोकमा आज एक दिन नगर क्षेत्रभित्र स्थानीय शोक बिदा गर्ने भएको छ ।
मेयर नमर्की लामो समयदेखि मिर्गौला रोगबाट ग्रसित हुनुहुन्थ्यो । लामो समयदेखि डायलिसिस गराउँदै आउनु भएका नकर्मीको स्वास्थ्य अवस्था पछिल्लो १ महिनायता बिग्रिँदै गएको थियो ।
उहाँको पार्थिव शरीर श्रद्धाञ्जलीका लागि आज ९ बजेदेखि ११ बजेसम्म कीर्तिपुर नगरपालिका परिसरमा राखिने छ ।
नकर्मी गत स्थानीय चुनावमा कांग्रेसबाट मेयरमा निर्वाचित हुनु भएको थियो ।
