काठमाडौं । सौर्य एयरलाइन्सको विमान दुर्घटनामा ज्यान गुमाएका १८ जनाको शव त्रिवि शिक्षण अस्पताल महाराजगञ्ज पुर्याइएको छ । केहीबेरमा शवको पोस्टमार्टम गर्ने तयारी भैरहेको छ ।
मृतकका आफन्त पनि अहिले अस्पतालमा पुगेका छन् ।
सौर्य एयरलाइन्सको जहान आज (बुधबार) बिहान ११ :११ बजेट दुर्घटना भएको थियो । दुर्घटनाग्रस्त सौर्य एयरको विमानमा रहेका १९ मध्ये १८ जनाको मृत्यु भएको थियो ।
विमानका पाइलट मनिषरत्न शाक्यको भने उद्धार गरी अस्पतालमा उपचार भइरहेको प्राधिकरणले जनाएको छ । विमानमा सवार सबै सौर्य एयरकै कर्मचारी रहेको जनाइएको छ ।
विमानमा रहेका सहचालक एस कटुवालको पनि मृत्यु भएको छ । विमानमा रहेका अमितमान महर्जन, सागर आचार्य, दिलिप वर्मा, मनुराज शर्मा, अस्विन निरौला, सुदीपराज जोशी, सर्वेस मरासिनी, श्याम विन्दूकर, नवराज आले, राजाराम आचार्य, प्रिजा खतिवडा र अधिराज शर्माको मृत्यु भएको छ ।
त्यसैगरी उद्धव पुरी, यज्ञप्रसाद पौडेल, सन्तोष महतो, पुण्यरत्न शाही र विदेशी नागरिक अरिफ रेडाको मृत्यु भएको नेपाल नागरिक उड्डयन प्राधिकरणले जनाएको छ ।
