दाङ । दाङको घोराही उपमहानगरपालिका १८, गिठेपानीस्थित जलाशयमा डुबेर एक किशोर बेपत्ता भएका छन् ।
घोराही उपमहानगरपालिका १८, रझेनामा डेरा गरी बस्ने प्युठान माण्डवी गाउँपालिका २, मर्कावाङ १४ वर्षीय किरण पुन बेपत्ता भएको दाङका प्रहरी प्रमुख रामबहादुर केसीले जानकारी दिनुभयो ।
आइतबार दिउँसो साथीहरुसँग ड्याममा पौडी खेल्न गएको अवस्थामा किरण पौडी खेल्ने क्रममा डुबेर बेपत्ता भएको प्रहरी प्रमुख केसीको भनाइ छ । बेपत्ता किशोरको नेपाल प्रहरी र नेपाली सेनाद्वारा खोजी कार्य भइरहेको छ ।