काठमाडौं । निर्वाचन आयोगले विदेशमा रहेका नेपालीको मताधिकार सुनिश्चित गर्न नाम दर्ताको प्रक्रिया प्रारम्भ भएको र पहिलो चरणमा प्रतिनिधिसभाको समानुपातिकतर्फ मत हाल्ने अधिकार दिन सकिने जनाएको छ ।
काठमाडौंमा आज (शुक्रबार) आयोजित कार्यक्रममा प्रमुख आयुक्त दिनेश थपलियाले मलेसियासहित खाडीका ६ मुलुकबाट मतदाता नामावलीमा नाम दर्ता गर्न प्रारम्भ गरेको बताउनुभयो । राजनीतिक दलहरुसँग पटक-पटक छलफल गरेर कार्यविधि पनि स्वीकृतिको चरणमा रहेको उहाँले जानकारी दिनुभयो ।
सरकार र परराष्ट्र मन्त्रालयले सहयोग गरे विदेशमा रहने नेपालीहरुको मतदाता नामावली संकलन सहज हुने प्रमुख निर्वाचन आयुक्त थपलियाको भनाइ छ ।