विराटनगर । कोशी प्रदेशको योजना आयोगमा नियुक्त चार सदस्यले पद तथा गोपनीयताको शपथ लिएका छन् ।
मुख्यमन्त्री हिक्मतकुमार कार्कीले आज प्रदेश योजना आयोगका नवनियुक्त सदस्यहरुलाई शपथ गराउनुभएको हो । प्रदेश योजना आयोगको सदस्यमा नियुक्त डा. सीताराम बस्नेत, किशोरकुमार राई, भवानी बराल र नमिता न्यौपानेले शपथ लिनुभएको हो ।
प्रदेश योजना आयोगको उपाध्यक्षमा झापाका डा. राजेन्द्र अधिकारी यसअघि नै नियुक्त भइसक्नुभएको छ । एमाले र माओवादी केन्द्रले दुई-दुई जना सदस्य भागबन्डा गरेर प्रदेश योजना आयोगमा नियुक्त गरेका हुन् ।
