संखुवासभा । कालोपत्र गर्न ठिक्क पारिएको खाँदबारी-नुम सडक मंगलबार बिहानको वर्षाले भत्काएको छ ।
यो खण्डअन्तर्गत ठूलो ढुंगा अरुणथानको ४ किलोमिटर सडकमा गरिएको ग्राभेल वर्षाले बगाएको छ । यो खण्डमा कालोपत्रका लागि गरिएको सबबेस, ग्याबिन वाल र नाली बगाएको उत्तर दक्षिण कोशी सडक योजनाका प्रमुख सविन कोइरालाले जनाउनुभयो । उहाँका अनुसार कालोपत्र गर्न ठिक्क पारिएको ४ किलोमिटर सडकमा वर्षाले क्षति पुर्याएको हो ।
यो कोशी राजमार्गअन्तर्गत खाँदबारी किमाथांका सडक खण्डमा पर्छ । पानीले ठूलो ढुंगा, पांमा, अरुणथानमा सबैभन्दा बढी क्षति पारेको स्थानीय बासिन्दा तथा पूर्वसांसद टंकप्रसाद राईले जानकारी दिनुभयो ।
त्यस्तै वर्षाले मकालु गाउँपालिकाको नुममा पनि पहिरो गएपछि सडक अवरुद्ध भएको छ ।
हेरौं थप तस्बिर :
