धादिङ । बोक्सीको आरोपमा वृद्धाको हत्या गरेको आरोपमा धादिङ प्रहरीले एक जनालाई पक्राउ गरेको छ ।
शुक्रबार साँझ मृत भेटिएकी नेत्रावती गाउँपालिका ४ की ७२ वर्षीया सुकमाया गुरुङको धारिलो हतियार प्रहार गरी हत्या गरेको आरोपमा सोही ठाउँका ३६ वर्षीय मंगल गुरुङलाई प्रहरीले पक्राउ गरेको हो ।
शुक्रबार मृतकको बाख्राले आरोपीको बाली खाएपछि धपाउन गएका बेला वृद्धको हत्या गरेको बयान गुरुङले दिएका छन् ।
हत्या गरी लुकेर बसेको अवस्थामा गुरुङलाई प्रहरीले पक्राउ गरेको हो । घटनाको थप अनुसन्धान भइरहेको प्रहरीले जनाएको छ ।
