काठमाडौं । छ महिनाअघि सरकारको नेतृत्व सम्हालेपछि कर्मचारीहरूलाई मितव्ययी बन्न निर्देशन दिएका प्रधानमन्त्री पुष्पकमल दाहाल आफूभने सामान्य कार्यक्रम उद्घाटन र शिलन्यास गर्नमै समय खर्च गरिरहेका छन् ।
आजै मात्र संघीय राजधानी काठमाडौंसँग जोडिएको धादिङको गजुरीमा भारत सरकारको सहयोगमा निर्मित क्याम्पसको भवन उद्घाटन गर्न उनी हेलीकप्टर चढेर त्यहाँ पुगे । भवन उद्घाटन गर्दै प्रधानमन्त्री दहालले यस्ता कार्यक्रममा समय नखर्चिन सुझाव आएको भएपनि क्याम्पस सञ्चालक समितिका अध्यक्षसमेत रहेका सांसद राजेन्द्र पाण्डेको वचन हार्न नसकेको भन्दै आफ्नो बचाउ गरे ।
सोही कार्यक्रममा प्रधानमन्त्री दाहालले पाँच वर्षसम्म कांग्रेस, माओवादीलगायतका दलको गठबन्धन सरकार नै कायम हुने दाबीसमेत गरे । सरकार परिवर्तन हल्ला गलत रहेको भन्दै उनले गठबन्धन दलबीचको सम्बन्धमा कुनै तलमाथि नभएको बताए ।
उनले आफ्नो भारत भ्रमण ऐतिहासिक र सफल भएको दाबी गर्दै राम्रो भएको नरुचाउने प्रवृत्ति भएकाहरुले भ्रमणबारे गलत हल्ला फिाजाएको उल्लेख गरे ।
सम्बन्धित समाचार...
