काठमाडौं । वर्षा र सहकालका देवता रातो मच्छिन्द्रनाथको जात्राअन्तर्गत भोलि (बिहीबार) भोटो देखाउने जात्रा मनाइँदै छ ।
भोलि जावलाखेलमा गुठी संस्थान ललितपुरका प्रमुखले मच्छिन्द्रनाथको भोटो देखाउने चलन भए पनि यसपालि लेखापाल पवन आचार्यले भोटो देखाउनेछन् । भोटो देखाउने जात्रामा राष्ट्र प्रमुख पनि सहभागी हुने चलन छ ।
राष्ट्रपति रामचन्द्र पौडेल पहिलोपटक राष्ट्रप्रमुखका रुपमा जात्रामा सहभागी हुनेछन् । जात्राको अवसरमा सरकारले भोलि काठमाडौं उपत्यकाका तीन जिल्लामा सार्वजनिक बिदा दिएको छ ।
गृह मन्त्रालयले एक विज्ञप्ति जारी गरी काठमाडौं, ललितपुर र भक्तपुरमा सार्वजनिक बिदा दिइएको जानकारी गराएको छ ।