काठमाडौं । सरकारले वाग्मती लगायत उपत्यकाका नदी किनारामा बसोबास गर्दै आएका भूमिहीन एवं सुकुम्बासीहरुलाई हटाएर नदी किनारा खाली गराउने नीति अगाडि सारेको छ ।
काठमाडौंका भूमिहीनलाई उपयुक्त स्थानमा स्थानान्तरण गरी नदी किनार खाली गराइने सरकारको नीति कार्यक्रममा उल्लेख छ ।
त्यसैगरी काठमाडौं महानगरलगायत उपत्यकासँग जोडिएका स्थानीय तहको एकीकृत संयन्त्र निर्माण गरी विकासका काम समन्वयात्मक रुपमा सञ्चालन गरिने सरकारको नीति कार्यक्रममा उल्लेख छ ।
मेलम्ची खानेपानीलाई बार्है महिना सञ्चालन गरी दोस्रो चरणको आयोजना अगाडि बढाइने सरकारले बताएको छ ।
शहरमा फोहोर मैलाको दिगो व्यवस्थापन गर्ने बताइएको छ । यसका लागि स्थानीय तहमा फोहोरमैलाको बहुउपयोगिता सम्बन्धी प्राविधिक सहयोग दिने सरकारले नीति अगाडि सारेको छ ।
