जुट खेतीप्रति किसानको आकर्षण घट्दै गएपछि इटहरीको जुटबाली अनुसन्धान कार्यालयले जुटको नयाँ जातको बिउ विकास गरेको छ । कार्यालयले मोरङ, सुनसरी, झापा, सप्तरी र सिरहाका किसानका लागि नयाँ जातको बीउ वितरणसमेत गरेको छ । २० वर्षअघिकै बीउ लगाउन बाध्य हुँदै आएका किसान नयाँ जातको विउ पाएपछि उत्साहित भएका छन् ।
जुटबाली अनुसन्धान कार्यालयले २१ वर्षपछि जुटको नयाा जात विकास गरेको हो । जुटबालीसम्बन्धी अध्ययन, अनुसन्धान तथा प्रविधिको विकास गर्दै आएको कार्यालयले इटहरी-४ नामको नयाँ जातको बिउ उत्पादन गरेको हो । योसागै किसान २० वर्ष पुरानो बीउ लगाउनुपर्ने बाध्यताबाट मुक्त भएका छन् ।
सरकारले जुट खेती गर्ने किसानका लागि दिँदै आएको सहुलियत बन्द गरेपछि यसको खेती खुम्चिादै आएको थियो । जुट खेतीमा आकर्षण कायमै राख्न नयाा जातको बीउ विकास मात्र गरिएको छैन, थप दुई वटा जातको बीउ सिफारिस गर्ने तयारीसमेत छ । जुटबाली अनुसन्धान कार्यक्रमअन्तर्गत प्रत्येक वर्ष जुटको नयाँ जात आउनुपर्ने भए पनि २०५८ सालपछि रोकिएको थियो । कार्यालयले ढिलै भए पनि जुटको नयाँ जातको बिउ उत्पादन गर्दा किसान लाभान्वित भएका छन् ।
कार्यालयले विभिन्न जातका बिउका साथै जुट प्रशोधनका क्रममा किसानले झेल्नुपर्ने झन्झट अन्त्य गर्ने प्रविधि पनि भित्र्याएको छ । नयाा बीउ र प्रबिधिले पूर्वी तराईको प्रमुख नगदेबाली जुट खेती विस्तार हुने र नेपालका उद्योगलाई चाहिने ९० प्रतिशत कच्चा जुट भारत र बंगलादेशबाट आयात गर्नुपर्ने बाध्यता हट्ने अपेक्षा गरिएको छ ।
