काठमाडौं । इजरायलले गाजामाथिको कारबाही तीब्र पारिरहेकै बेला इजरायलविरूद्ध प्रतिबन्ध लगाउने विषयमा युरोपेली मुलुक विभाजित भएका छन् ।
युरोपेली संघ-ईयूका विदेश नीति प्रमुख काया कालासले सदस्य राष्ट्रहरूबीच एकमत नहुँदा तत्काल कुनै ठोस निर्णय लिन सकिने अवस्था नरहेको स्पष्ट पार्नुभएको छ ।
डेनमार्कको राजधानी कोपनहेगनमा शनिबार सुरू भएको ईयू विदेशमन्त्रीहरूको बैठक इजरायलमाथि प्रतिबन्ध लगाउने विषयमा सदस्य मुलुक विभाजित भएका हुन् ।
बैठकमा इजरायली प्रविधि स्टार्टअपहरूलाई दिइँदै आएको इयूको आर्थिक सहयोग स्थगन गर्ने विषय मुख्य एजेन्डाका रूपमा उठाइएको छ । तर उक्त प्रस्तावमा आवश्यक समर्थन हालसम्म जुट्न सकेको छैन ।
गाजामा उत्पन्न गम्भीर मानवीय संकटका विषयमा युरोपेली संघले साझा रूपमा प्रभावकारी कदम चाल्न आवश्यक भएको आवाज सदस्य राष्ट्रहरूले उठाउँदै आएका छन् ।
डेनमार्कका विदेशमन्त्री लार्स लोके रस्मुसेनले इयुले अब शब्दबाट बाहिर निस्केर व्यावहारिक कदम चाल्नुपर्ने आवश्यकता औँल्याउनुभयो । उहाँले इजरायलसँगको व्यापारिक सहकार्य स्थगन गर्ने, अतिवादी नेताहरूलाई प्रतिबन्ध लगाउने र अवैध यहुदी बस्तीबाट हुने वस्तु आयातमा रोक लगाउने जस्ता उपायहरूको समर्थन गर्नुभएको छ ।
इजरायल र गाजाबीचको द्वन्द्वले लाखौं नागरिक प्रभावित भएका छन् भने संयुक्त राष्ट्रसंघले गाजामा महामारीको अवस्था घोषणा गरिसकेको छ ।
