युद्ध अपराध गरेको आरोपमा पुटिनविरुद्ध पक्राउ पुर्जी जारी

चैत्र ४, २०७९ |कान्तिपुर टीभी संवाददाता
युद्ध अपराध गरेको आरोपमा पुटिनविरुद्ध पक्राउ पुर्जी जारी

काठमाडौं । अन्तर्राष्ट्रिय फौजदारी अदालत (आईसीसी) ले रुसी राष्ट्रपति भ्लादिमिर पुटिनविरुद्ध पक्राउ पुर्जी जारी गरेको छ ।

पुटिनले युद्ध अपराध गरेको आरोप लगाउँदै आईसीसीले पक्राउ गर्न आदेश दिएको अन्तर्राष्ट्रिय सञ्चारमाध्यमले जनाएका छन् ।

युक्रेन युद्धका क्रममा युद्ध अपराध भएको आईसीसीको आरोप छ । यसक्रममा गैरकानुनी रुपमा युक्रेनबाट बालबालिकालाई रुस पठाउने काम भएकोसमेत उल्लेख छ । सन् २०२२ फेब्रुअरी २४ देखि युक्रेनमा पुटिनले युद्ध अपराध गरेको आरोप लगाइएको छ ।

रुसले भने युक्रेनमा आक्रमणका क्रममा युद्ध अपराध नभएको दाबी गर्दै आएको छ । उसले युद्ध अपराधको आरोपलाई अस्वीकार गरेको छ ।

आईसीसीले जारी गरेको पक्राउ पुर्जीसम्बन्धमा रुसी विदेश मन्त्रालयले प्रतिक्रिया जनाउँदै यसको कुनै अर्थ नरहेको उल्लेख गरेको छ ।

विदेश मन्त्रालयकी प्रवक्ता मारिया जखारोभाले भनेकी छन्, ‘अन्तर्राष्ट्रिय फौजदारी अदालतको फैसलाले हाम्रो देशको लागि कानुनी दृष्टिकोणबाट कुनै अर्थ राख्दैन ।’


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.