बुटवल । बुटवलमा ३ करोड ६५ लाख रूपैयाँ लगानीमा मोनोपोल विद्युत् प्रशारण लाइन जडानको काम सुरू भएको छ ।
बुटवलबाट मोतीपुरतर्फको १३२ केभी डबल सर्किट प्रशारण लाइनको चारखुट्टे टावर हटाएर एक खुट्टे टावर जडान गर्न लागिएको हो । देशभर १३२ केभी प्रसारण लाइन रहेकोमध्ये बुटवलमा पहिलो पटक मोनोपोल जडान थालिएको विद्युत् प्राधिकरणले जनाएको छ ।
कालिकापथको योगीकुटीदेखि न्यू होराइजनसम्मको ४ ठाउँमा मोनोपोल जडान थालिएको हो । हाल सो क्षेत्रमा रहेको पोलले सडकको ६ मिटर क्षेत्रफल ओगटेको छ । मोनोपोल भने केबल २ मिटरमा जडान हुनेछन् ।
