काठमाडौं । असोज महिनाका लागि बैंकहरूले ब्याजदर थप घटाएका छन् । भदौको तुलनामा शून्य दशमलव एक-एक प्रतिशत बिन्दूले बैंकहरूले दिने निक्षेपको ब्याज दर घटेको हो ।
असोजका लागि कायम हुने ब्याजदर बैंकहरूले भदौ मसान्तमा सार्वजनिक गरिसक्नुपर्छ । यही व्यवस्थाअनुसार मंगलबार सबै बैंकले असोजको ब्याजदर सार्वजनिक गरेका हुन् ।
२० वाणिज्य बैंकहरूमध्ये ९ बैंकले निक्षेपको ब्याजदर घटाएका छन् भने ८ वटाले यथावत् राखेका छन् । यसबाहेकका ३ वटा बैंकले भने निक्षेपमा दिने अधिकतम् ब्याजदर बढाएका छन् ।
