सुनको मूल्यमा नयाँ रेकर्ड कायम

भाद्र १३, २०८२ |कान्तिपुर टीभी संवाददाता
सुनको मूल्यमा नयाँ रेकर्ड कायम

काठमाडौं । सुनको मूल्यले नयाँ रेकर्ड कायम गरेको छ । नेपाली बजारमा शुक्रबार सुन प्रतितोला २ लाख ६ सय रूपैयाँ कायम भएको छ ।

आज मात्र सुन प्रतितोला १ हजार २ सय रूपैयाँ बढेको हो । अमेरिकाको फेडरल रिर्जव बैंकले व्याजदर घटाउने र सुनको मौजात बढाएपछि अन्तराष्ट्रियरूपमै सुन महंगिएको हो । 

नेपाल सुनचाँदी व्यवसायी महासंघका पूर्वअध्यक्ष मानिकरत्न शाक्यले सुनको मूल्य आकाशिँदा नेपाली बजारमा कारोबार न्यून भएको जानकारी दिनुभयो । अहिले नेपाली बजारमा दैनिक ८ किलो हाराहारीमा मात्र सुन कारोबार भइरहेको छ । यसअघि सामान्यतया नेपाली बजारमा दैनिक २० केजी सुनको खपत हुने गरेको थियो ।


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.