काठमाडौं । काठमाडौंको सुकेधारामा नयाँ पाँचतारे मर्क्योर होटल सञ्चालनमा आएको छ ।
अन्तर्राष्ट्रिय ब्रान्डको उक्त होटलको आज प्रधानमन्त्री केपी शर्मा ओलीले उद्घाटन गर्नुभयो । प्रधानमन्त्री ओलीले युरोप र त्यसमा पनि नेपाल र फ्रान्सबीचको सम्बन्ध स्मरणीय रहेको बताउँदै होटल व्यवसायलाई सफल बनाउन सरकारले सहयोग गर्ने बताउनुभयो ।
नेपालीपन झल्कने संरचनाबाट विश्वस्तरीय सेवा दिने होटल व्यवस्थापनले जनाएको छ । होटल निर्माणमा ३ अर्ब रुपैयाँभन्दा बढी लगानी भएको एबी होल्डिङ्सका अध्यक्ष देशबन्धु बस्नेतले जानकारी दिनुभयो ।
११ तलाको होटलमा १०४ वटा कोठा छन्।
