रामेछाप । यसवर्षको जगदीश घिमिरे स्मृति पुरस्कार साहित्यकार पवन आलोक र मिना चौलागाईंलाई प्रदान गरिएको छ ।
मन्थलीमा सम्पन्न ११औँ जगदीश घिमिरे स्मृति साहित्यिक सभा, वक्तृत्वकला प्रतियोगिता तथा पुरस्कार वितरण समारोहमा साहित्यकार आलोक र चौलागाईंलाई जनही ५१ हजार रुपैयाँ नगदसहित सम्मान गरिएको हो ।
गतवर्ष प्रतिष्ठानले पुरस्कार घोषणा गर्न नसकेकाले यस वर्ष दुबै साहित्यकारलाई एकै समारोहमा सम्मान गरिएको जगदीश घिमिरे प्रतिष्ठानले जनाएको छ । प्रतिष्ठानले साहित्य र पत्रकारिताको क्षेत्रमा उल्लेख्य योगदान पुर्याउने साहित्यकार तथा पत्रकारलाई हरेक वर्ष उक्त पुरस्कार वितरण गर्दै आएको छ ।
