टोली मैदान जानुअघिसम्म पनि प्रशिक्षकले कप्तानबारे निर्णय नदिएपछि सिनियर खेलाडीका रूपमा रेनुका नगरकोटेलाई कप्तान बनाएर टिम लिस्ट एएफसीमा पठाएको उनको जिकिर छ ।
पत्रकार सम्मेलनमा उपस्थित टेक्निकल डाइरेक्टर हरि खड्का, टिम व्यास्थापक विन्द्रा देवान र सहायक प्रशिक्षक राजेन्द्र तामाङ लगायतले समेत डे वाइल्डकै कमजोरीका कारण विवाद उत्पन्न भएको भन्दै टिम व्यवस्थापनको बचाउ गरे ।एएफसी महिला एसियन कप छनोटअन्तर्गत लाओसविरुद्धको नेपालको १ सयौं अन्तर्राष्ट्रिय खेलअघि कप्तान तोक्ने विषयलाई लिएर मुख्य प्रशिक्षक डी वाइल्ड र टिम व्यवस्थापनबीच विवाद उत्पन्न भएको थियो । विवादपछि प्रशिक्षक डी वाइल्डले एन्फामा पत्राचार गरेको बताएका थिए ।
समूह एफको अन्तिम तथा निर्णायक खेलमा नेपाल घरेलु टोली उज्बेस्तिानसँग पेनाल्टीमा पराजित भएपछि एसियन कपमा छनोट हुन असफल भएको थियो । प्रतियोगितापछि स्वदेश फर्किएका बेल्जियन प्रशिक्षकले एन्फा नसुध्रिए नेपाल नफर्किने चेतावनी दिएका छन् । प्रो लाइसेन्स प्राप्त प्रशिक्षकको खोजीमा रहेको एन्फाले गत जेठ २२ गते डी वाइल्डलाई महिला टिमको प्रशिक्षकको जिम्मेवारी दिएको थियो ।
