काठमाडौं । नेपाल सुपर लिगमा आज ललितपुर सिटी एफसीले पोखरा थन्डर्ससँग खेल्नेछ। यो खेल साँझ ६ बजे दशरथ रंगशालामा सुरू हुनेछ।
पोखरा र ललितपुर दुवै टोली आफ्नो दोस्रो खेल खेल्न लागेका हुन्। यसअघि चितवनसँगको खेल विवादित बनेको थियो भने सो खेलमा पोखरा पराजित भएको थियो। पोखराले यो सिजन गुलियम प्रिसोलाई निरन्तरता दिएको छ भने सुपर लिगका स्टार फरवार्ड स्टेफेन विनोङलाई पनि अनुबन्ध गरेको छ।
आयुष घलान, समिर तामाङ र नवयुग श्रेष्ठजस्ता उत्कृष्ट खेलाडीको अग्रपंतिले पोखराको अट्याकिङ लाइन मजुबत छ। यससँगै उ आज पहिलो जितको खोजीमा हुनेछ।
लिगमा ललितपुर सिटीले पहिलो खेलमा काठमाडौंसँग बराबरी खेलेको थियो। सो खेलमा ललितपुरले २-० को अग्रता बचाउन सकेको थिए। इंग्लिस प्रशिक्षक साइमन ग्रेसनको टोली आक्रमण देखि रक्षापंतिसम्मै निकै बलियो छ।
उससँग अनन्त तामाङ, आदित्य शाक्य, मणि कुमार लामाजस्ता घरेलु ट्यालेन्ट खेलाडी छन्। जोफ्रे बाल्टुसले पोस्टमा निकै राम्रो प्रदर्शन गर्नसक्छन्। टिममा तालमेल र मैदानमा बोन्डिङ पनि उत्तिकै राम्रो छ।
उपाधि दावेदारको रुपमा रहेको ललितपुर आज आफ्नो पहिलो जितको खोजीमा हुनेछ। यो खेल नेपाली र विदेशी प्रशिक्षकबीचको ट्याक्टिकल लडाईँसमेत हो भने उत्कृष्ट फरवार्ड कम्बिनेसनको प्रतिष्ठाको प्रतिस्पर्धासमेत यो खेल हो। यो खेल निकै रोमाञ्चक हुन् सक्नेछ।
