काठमाडौं । विश्वप्रसिद्ध खेलाडी अर्जेन्टिनी फुटबल टोलीका कप्तान लियोनेल मेस्सीले २०२६ को फिफा विश्वकप खेल्न सक्ने बताइएको छ । अर्जेन्टिनी राष्ट्रिय टोलीका मुख्य प्रशिक्षक लियोनेल स्कालोनीले मेस्सीले सन् २०२६ को फिफा विश्वकप खेल्न सक्ने बताएका हुन् ।
यद्यपि मेस्सीको सहभागिताबारे आधिकारिक घोषणा गर्न भने हतार हुने उनको प्रतिक्रिया छ । कतार विश्वकप २०२२ मा अर्जेन्टिनालाई विजेता बनाउन प्रशिक्षकको रूपमा स्कालोनीले भूमिका महत्त्वपूर्ण थियो । उनको प्रशिक्षण र मेस्सीको कप्तानी तथा शानदार प्रदर्शनमा अर्जेन्टिनाले ३७ वर्षपछि विश्वकप जितेको थियो ।
आठ पटकका बलोन डि ओर विजेता मेस्सीले भने यसबारे कुनै धारणा व्यक्त गरेका छैनन् ।
