काठमाडौं । नेपाल प्रिमियर लिग (एनपीएल) का लागि क्यानले टिकटदर सार्वजनिक गरेको छ ।
क्यानले आज एक विज्ञप्तीमार्फत टिकटदरबारे जानकारी दिएको हो । एनपीएलको उद्घाटन खेलका लागि सामान्यतर्फ ३०० र भीआईपी तर्फ ७०० तोकिएको छ ।
यस्तै अन्य खेलका लागि सामान्य तर्फ ३०० र भीआईपी तर्फ ५०० तोकिएको छ । प्लेअफका खेलहरुका लागि सामान्य तर्फ ५०० र भीआईपी तर्फ ७०० रुपैँया तोकिएको छ ।
फाइनल खेलका लागि भने टिकटदर फरक रहेको छ । फाइनलमा सामान्य तर्फ पनि ५०० तोकिएको छ । यस्तै भीआईपी तर्फ १००० तोकिएको छ ।
एनपीएलका लागि सिजनल पासको समेत व्यवस्था गरिएको छ । सिजनल पासमा सामान्य तर्फ ४ हजार ४ सय ८० र भीआईपी तर्फ ८ हजार २ सय ४० रुपैँया तोकिएको छ ।
