काठमाडौं । यूएफा नेसन्स लिगमा सर्बियासँग बराबरी खेलेको डेनमार्कले अन्तिम आठमा स्थान बनाएको छ । गएराति सम्पन्न खेलमा दुवै टोलीले गोलरहित बराबरी खेलेका थिए । दोस्रो स्थान सुरक्षित गर्न कम्तिमा एक अंक आवश्यक रहेको डेनमार्कले राम्रो सुरुवात गर्यो ।
पहिलो हाफमा सर्बियाले डेनमार्कलाई बारम्बार चुनौती दिए पनि गोलकिपर कास्पर स्माइचेलले उत्कृष्ट बचाउ गरे ।
८०औं मिनेटमा डुसान भ्लाभिकले उत्कृष्ट मौका गुमाएपछि सर्बिया अग्रता लिनबाट चुक्यो । इन्जुरी समयको पाँचौ मिनेटमा पाभ्लोभिकले दोस्रो पहेलो कार्ड खाँदै मैदान बाहिरिए । यससँगै डेनमार्क लिग ए समूह चारमा ६ खेलमा ८ अंकसहित दोस्रो स्थानमा रहेर अन्तिम ८ मा प्रवेश गर्यो । समान खेलमा सर्बियाले ६ अंक जोडेको छ ।
यसै समूहको अर्को खेलमा स्पेनले स्विट्जरल्यान्डविरुद्ध ३-२ गोलको जित हात पार्यो । यसअघिनै क्वाटरफाइनल पुगिसकेको स्पेन १६ अंकसहित तालिकाको शीर्ष स्थानमा छ । ६ खेलमा जितविहीन स्विट्जरल्यान्ड यसअघिनै घटुवा भइसकेको छ । स्विट्जरल्यान्ड दुई अंकका साथ पुछारमा छ ।
