काठमाडौं । पाकिस्तानले आइसीसी महिला टि-२० विश्वकपको आफ्नो पहिलो खेलमा श्रीलङकालाई ३१ रनले पराजित गरेको छ । लो स्कोरिङ म्याचमा स्पिनर्सले उत्कृष्ट प्रदर्शन गरे ।
युएइको सारजाह क्रिकेट स्टेडियममा टस जितेर ब्याटिङ गरेको पाकिस्तानले २० ओभरमा सबै विकेट गुमाएर १ सय १६ रनको सामान्य योगफल बनाएको थियो ।
ओमैमा सोहेलले १८, निदा दरले २३ र कप्तान फातिमा सनाले ३० रन बनाए । उदेसिका प्रबोदीनी सुगान्दिका कुमारी र चामरी अटापट्टुले तीन/तीन विकेट लिए ।
जवाफमा श्रीलङका २० ओभरमा नौं विकेटको क्षतीमा ८५ रनमा रोकियो । भिस्मी गुणारत्नेले २० र निलासिखा शिल्भाले २२ रन बनाउनु बाहेक अरु खेलाडीले दोहोरो अंक छुन सकेनन् ।
सादिया इकबालले तीन, फातिमा , ओमैमा र नास्रा सिन्धुले दुइ दुइ विकेट लिए । दुवै टिमका स्पिनर्सले कुल १४ विकेट लिए । उद्घाटन खेलमा बंगलादेशले स्कटलयान्डलाइ १६ रनले हराएको थियो ।
विश्वकपमा आज दिउँसो पौने चार बजे दक्षिण अफ्रिका र वेस्ट इन्डिज तथा पौने ८ बजे भारत र न्युजील्यान्ड बीच खेल हुनेछ ।
