काभ्रे । काभ्रेमा अविरल बर्षाका कारण बाढी र पहिरोमा परि मृत्यु हुनेको संख्या ७२ पुगेको छ । जिल्ला प्रहरी कार्यालय काभ्रेमा आज सम्मको तथ्यांकअनुसार अझै वेपत्ता हुनेको संख्या पाँच रहेको छ ।जसअनुसार तेमाल गाउँपालिका २, धुलिखेल नगरपालिकामा १, नमोबुद्धमा १ जना र चौरीदेउराली गाउँपालिकामा १ जना गरि वेपत्ता छन् । सबैभन्दा बढी पनौती नगरपालिकामा १८ जनाका साथै वेथानचोक गाउँपालिकामा १२ जनाको मृत्यु भएको छ । काभ्रेमा घाइते भएकामध्ये ५७ जना उपचारपछि घर फर्केका छन् भने २१ जनाको उपचार भइरहेको जिल्ला प्रहरी कार्यलय काभ्रेका एसपि बसुन्धरा खड्काले जानकारी दिनुभयो ।वेपत्ताको खोजी कार्य सँगै स्थानीय तहले सहयोग संकलन अभियान सुरु गरेका छन् । जिल्लाको सबैभन्दा बढी क्षति भएको पनौती , बेथान्चोक, रोशी गाउँपालिका र नमोबुद्ध नगरपालिकाले सहयोग संकलनका लागि अपील समेत गरेका छन् भने क्षतिको प्रारम्भिक विवरण समेत उपलब्ध गराउँदै गएका छन् ।
