नेपाली कम्युनिष्ट पार्टी हाम्रो आत्मालोचनाको परिणाम हो : संयोजक दाहाल

मंसिर १४, २०८२ |कान्तिपुर टीभी संवाददाता
नेपाली कम्युनिष्ट पार्टी हाम्रो आत्मालोचनाको परिणाम हो : संयोजक दाहाल

काठमाडौं । नेपाली कम्युनिष्ट पार्टीका संयोजक पुष्पकमल दाहालले नेपाली कम्युनिष्ट पार्टी आफूहरूको आत्मसमीक्षाको परिणाम भएको बताउनुभएको छ ।

आइतबार पोखरामा आयोजित सन्देश सभालाई सम्बोधन गर्दै उहाँले यस्तो बताउनुभएको हो । उहाँले अहिले नेपाली कम्युनिष्ट पार्टीले गरेको एकता सभामा नेताहरूको आत्मालोचना भएको समेत जिकिर गर्नुभयो । विगतमा भएका कमजोरीहरूप्रति आफूहरूले आत्मसमीक्षा गरेको भन्दै अब त्यस्तो गल्ती नदोहोर्‍याउने उहाँले प्रतिबद्धता जनाउनु भयो । 

यति ठूलो संख्यामा कम्युनिष्ट पार्टीहरू एकैसाथ एकीकृत भएको नेपालको इतिहासमै पहिलो घटना भएको दाबी संयोजक दाहालको छ । अब देशमा देखिएका समस्याहरू समाधान गर्नेमा केन्द्रित हुने उहाँले बताउनु भयो । संयोजक दाहालले देशमा अहिले असाधारण परिस्थिति रहेको बताउनु भयो । 


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.