काठमाडौं । सांसद अमरेशकुमार सिंहले तीन जना नेताहरूको विरूद्धमा देशमा बोल्नै नहुने परिस्थिति सिर्जना गरिएको बताउनुभएको छ ।
प्रतिनिधि सभाको बैठकमा बोल्दै उहाँले यस्तो बताउनुभएको हो । तीन ठूला राजनीतिक दलहरूका शिर्ष तीन नेताहरू (केपी शर्मा ओली, शेरबहादुर देउवा र पुष्पकमल दाहाल)का विरूद्धमा बोल्नै नहुने स्थिति आएको बताउनु भयो ।
उहाँले तीन शिर्ष नेताहरूको बारेमा बोल्यो भने कोही अमरेश सिंह, कोही भीम रावल, कोही रवि लामिछाने र कोही रेशम चौधरी हुने उहाँको टिप्पणी छ ।
उहाँले भन्नुभयो, ‘अहिले तीन जनाको विरूद्धमा बोल्यो भने त्यसको खैरियत छैन । तीन वटा ठूला पार्टीका जुन तीन टाउका छन् । बोल्यो भने त्यसलाई कोही अमरेश सिंह हुन्छ, कोही भीम रावल हुन्छ । कति होलान्, होलान् । कोही रेशम चौधरी हुन्छ, कोही रवि लामिछाने हुन्छ । त्यसको दर्जनौँ फेहरिस्त गराउन सकिन्छ । साइबर सेक्युरिटीले त्यसमा एउटा इँटा थप्ने काम गर्दछ ।’
सरकार शिक्षा, सञ्चार, स्वास्थ्यको विकासमा लाग्नुपर्ने उहाँले बताउनु भयो ।
