काठमाडौं । राष्ट्रिय स्वतन्त्र पार्टी-रास्वपाका सांसद शिशिर खनालले सरकारले आफू अनुकुल कानून बनाउने, न्यायपालिकाको स्वतन्त्रता कुण्ठित पार्ने र मिडियामाथि नियन्त्रण गर्ने गरिरहेको आरोप लगाउँदै आलोचना गर्नुभएको छ ।
प्रतिनिधि सभाको मंगलबारको बैठकमा बोल्दै उहाँले यस्तो आरोप लगाउनुभएको हो । सरकार स्वयंको कारण लोकतान्त्रिक व्यवस्था खतरामा रहेको उहाँको टिप्पणी छ ।
उहाँले भिजिट प्रकरणदेखि पासपोर्ट छपाइमा भागबण्डा, ‘कुलिङ पिरियड’ दुरुपयोग र त्रिभूवन अन्तर्राष्ट्रिय विमानस्थलमा भइरहेका संसद् र सरकार उदासिन रहेको आरोप पनि लगाउनु भयो ।
उहाँले प्रधानमन्त्री केपी शर्मा ओलाीलाई हाउ डेमोक्रेसी इज डाई भन्ने किताव पढ्न र आफ्नो सरकारले एक वर्षदेखि गरिरहेका कामको मूल्याङ्कन गर्न आग्रह समेत गर्नुभयो ।
सांसद खनालले सुशासन सुनिश्चित गर्न र ‘भ्रष्टाचारी मन्त्रीहरू पदमा नरहनुपर्ने आफ्नो पार्टीको माग रहेको दोहोर्याउनु भयो । उहाँले आफूहरू मुलुकमा सुशासन कायम होस् भन्ने चाहेको उल्लेख गर्दै प्रधानमन्त्रीले के चाहेको हो ? भन्दै प्रश्न गर्नुभयो ।
