काठमाडौं । प्रधानमन्त्री केपी शर्मा ओली युरोपेली मुलुक स्पेनको औपचारिक भ्रमणका लागि आगामी शनिबार त्यसतर्फ जानुहुने भएको छ ।
स्पेन भ्रमणका क्रममा प्रधानमन्त्री ओलीले असार १६ देखि १९ गतेसम्म आयोजना हुने विकासका लागि वित्तसम्बन्धी चौथो अन्तर्राष्ट्रिय सम्मेलनमा पनि भाग लिनु हुनेछ ।
भ्रमणका क्रममा प्रधानमन्त्री ओलीले स्पेनी समकक्षीसँग द्विपक्षीय भेटवार्ता गर्नु हुनेछ भने त्यसअवसरमा सहयोग र सम्बन्ध विस्तारसम्बन्धी केही महत्वपूर्ण विषयमा सहमतिपत्रमा हस्ताक्षर हुनेछ । प्रधानमन्त्रीले भ्रमणका क्रममा स्पेनस्थित नेपाली समुदाय र स्पेनी उद्योगी व्यवसायीसँग पनि अन्तक्रिया गर्नु हुनेछ ।
