पूर्वउपराष्ट्रपति पुन उपाध्यक्षको हैसियतमा माओवादी केन्द्रीय कमिटी बैठकमा

काठमाडौं । पूर्वउपराष्ट्रपति नन्दबहादुर पुन नेकपा माओवादी केन्द्रको उपाध्यक्षका हैसियतमा केन्द्रीय कमिटी बैठकमा सहभागी हुनुभएको छ ।

पूर्वउपराष्ट्रपति पुन आज बसेको केन्द्रीय कमिटीको छैटौं पूर्ण बैठकमा सहभागी हुनुभएको हो । अध्यक्ष पुष्पकमल दाहालको बायाँतिर बस्नुभएका पुनको अगाडि माओवादीको उपाध्यक्ष लेखिएको नेमप्लेट राखिएको छ । 

माओवादीले घोषणा गरिनसके पनि पूर्वउपराष्ट्रपति पुन औपचारिक रूपमै पार्टी राजनीतिमा फर्किएको पुष्टि भएको हो । अध्यक्ष दाहालको दाहिनेतिर भने वरिष्ठ उपाध्यक्ष नारायणकाजी श्रेष्ठ बस्नुभएको थियो ।