काठमाडौं । प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहालले सरकार आफू निकटका भ्रष्टाचारीलाई बचाउने र प्रतिद्वन्द्वीहरुलाई खोजीखोजी हान्ने खेलमा लागेको आरोप लगाउनु भएको छ ।
पार्टी कार्यालय कोटेश्वरमा आज पार्टीको प्रदेश समन्वय समितिको बैठकमा अध्यक्ष दाहालले सुशासनको मामिलामा सरकार कमजोर देखिएको दाबी गर्नुभयो । माओवादी केन्द्रले कात्तिक १० गते काठमाडौंमा जनप्रदर्शन र खबरदारी सभा गर्ने पनि जनाएको छ ।
सरकारका गलत कदमको विरोध र गर्नुपर्ने काम लागि ध्यानाकर्षण गराउन खबरदारी सभा गर्ने निर्णय भएको माओवादी केन्द्रले जनाएको छ । माओवादी केन्द्रले विपद् व्यवस्थापनमा सरकार असंवेदनशील र गैरजिम्मेवार बनेको पनि आरोप लगाएको छ ।
