काठमाडौं । नेकपा एमालेका अध्यक्ष केपी शर्मा ओलीले गिरीबन्धु टी-स्टेट प्रकरणबारे काठमाडौं महानगरपालिकाका मेयर बालेन शाहसँग सोध्न आग्रह गर्नुभएको छ । सोमबार संसद् भवनबाहिर सञ्चारकर्मीहरुसँग कुरा गर्दै उहाँले यस्तो बताउनुभएको हो ।
गिरीबन्धु टी-स्टेबारे प्रश्न उठिरहेको छ नि भन्ने सञ्चारकर्मीको प्रश्नको जवाफ दिँदै अध्यक्ष ओलीले मेयर शाहलाई सोध्न आग्रह गर्नुभएको हो । मेयर शाहले सामाजिक सञ्जालमा एक स्टाटस लेख्दै एमाले अध्यक्ष ओलीलाई गिरीबन्धु टी-स्टेटको घोटाला लुकाउन १० हजार करोडको काण्ड लुकाउन जनता नझुक्याउनु भन्दै आरोप लगाउनुभएको थियो ।
