काठमाडौं । अमेरिकाबाट भुटान डिपोर्ट भएपछि नेपाल छिरेका ४ जना शरणार्थीलाई झापा प्रहरीले नियन्त्रणमा लिएको छ ।
आपराधिक क्रियाकलापमा संलग्न भएको आरोपमा अमेरिकाले हालै १० जना भुटानी नागरिकलाई डिपोर्ट गरी भुटान पठाएको थियो ।
तर, भुटानले आफ्नो देशमा बस्न नदिएपछि भारतको बाटो हुँदै लुकिछिपी नेपाल आइपुगेका चारै जनालाई प्रहरीले गत शनिवार र मंगलबार पक्राउ गरी काँकडभिट्टास्थित अध्यागमन कार्यालय वुझाएको थियो ।
शनिवार पक्राउ परेका आशिष सुवेदी,सन्तोष दर्जी, रोशन तामाङ र मंगलवार पक्राउ परेका अशोक गुरूङबारे अनुसन्धान भइरहेको अध्यागमन कार्यालय झापाले जनाएको छ।
अमेरिकाबाट निश्कासनमा परी भुटान पठाइएका थप ६ जनालाई पनि भुटानले नेपालतिरै पठाएको भएपनि उनीहरू अहिलेसम्म प्रहरीको सम्पर्कमा नरहेको बताइएको छ ।
