कञ्चनपुर । कञ्चनपुरमा एक किसानको गोठमा आगलागी हुँदा भैँसी र पाडो मरेका छन् ।
कञ्चनपुरको भीमदत्त नगरपालिका-१० पूर्णागिरि टोल बस्ने दिलीप सेरलाको गोठमा आगलागी हुँदा एक भैँसी र पाडो मरेका छन् भने गोठमा राखेको भुस पूर्ण रूपमा जलेर नष्ट भएको छ ।
किरा भगाउन बालिएको आगो सल्किएर मंगलबार बिहान गोठमा आगलागी भएको बताइएको छ । स्थानीय बासिन्दा, प्रहरी र दमकलको सहायताले आगो नियन्त्रणमा लिइएको छ ।
आगलागिले करिब तीन लाख मूल्य बराबरको क्षति भएको कञ्चनपुर प्रहरीले जनाएको छ ।
