पाल्पा । शान्तिको सन्देश विश्वभर फैलाउने उद्देश्यसहित पाल्पाका तीन युवाले ११ दिने महाकाली-मेची साइकल यात्रा सुरू गरेका छन् ।
पाल्पाका २५ वर्षीय शान्तम थैब, ३७ वर्षीय विज्ञान बज्राचार्य र २४ वर्षीय सुविनमान बज्राचार्यले साइकल यात्रा सुरू गरेको पाल्पा साइक्लिङ संघले जानकारी दिएको छ ।
पश्चिमी सिमाना महाकाली चाँदनी दोधाराबाट साइकल यात्रा सुरू भएको यात्रा मेचीनदी पुगेर सम्पन्न हुनेछ । महाकाली देखि मेचीसम्मको साइकल यात्रामा यात्रीहरूले ११ सय किलोमिटर दूरी तय गर्नेछन् ।
