जारी मतदानका क्रममा एमाले कार्यकर्ताले फर्जी मत रोक्न खोज्ने क्रममा नेकपा कार्यकर्ताले कुटपिट गरेको स्थानीयले बताएका छन्।
कुटपिटबाट एमाले कार्यकर्ता महेन्द्र पुनको आँखा र शरीरमा चोट लागेको छ भने दीपेश पुनको आँखामा चोट लागेको पूर्वशिक्षक एवं स्थानीय जीतबहादुर पुनले जानकारी दिएका छन्।
घटनामा संलग्न व्यक्तिहरूको खोजी भइरहेको र तीन जनालाई नियन्त्रणमा लिइएको रोल्पाका प्रमुख जिल्ला अधिकारी गंगाबहादुर क्षेत्रीले जानकारी दिएका छन्। उनले घटनाबारे छानबिन गरी आवश्यक कारबाही प्रक्रिया अगाडि बढाइने बताएका छन्।
