डोल्पा- माथिल्लो डोल्पाको ५ मतदान केन्द्रमा अझै मतदान सुरु भएको छैन ।
मुख्य निर्वाचन कार्यालय डोल्पाका अनुसार अहिलेसम्म सञ्चार सम्पर्क नहुँदा मतदान भए-नभएको कुनै जानकारी नभएको मुख्य निर्वाचन कार्यालयले जनाएको छ । प्रमुख जिल्ला अधिकारी जुनु हमाल ढकालका अनुसार अहिलेसम्म शे-फोक्सुन्डो गाउँपालिका ७ कु गाउँमा मतदान सुरु नभएको तर अबको केही मिनेटमा सुरु हुने बताउनु भयो । उहाँका अनुसार डोल्पामा २१ प्रतिशत मत खसिसकेको छ ।
