काठमाडौं । प्रतिनिधि सभा विघटनविरूद्ध नेपाली कांग्रेसका निवर्तमान सांसदहरूले दायर गरेको रिटमा सर्वोच्च अदालतले कारण देखाउ आदेश जारी गरेको छ ।
कांग्रेस सांसदहरूले प्रधानमन्त्रीको नियुक्ति र प्रतिनिधि सभा विघटन असंवैधानिक भएको भन्दै मंसिर २३ गते रिट दायर गरेका थिए । सर्वोच्चको संवैधानिक इजलासले बुधबार कारण देखाउ आदेश जारी गरेको हो ।
रिटमा राष्ट्रपतिको कार्यालय, प्रधानमन्त्री र निर्वाचन आयोग लगायतलाई विपक्षी बनाइएको छ ।
