काठमाडौं । काठमाडौं महानगरपालिका प्रमुख बालेन्द्र शाहलाई पितृशोक परेको छ ।
उहाँका बुबा रामनारायण शाहको ७७ वर्षको उमेरमा साेमबार उपचारका क्रममा निजामती कर्मचारी अस्पतालमा निधन भएको अस्पतालका कार्यकारी निर्देशक डा. मोहनचन्द्र रेग्मीले जानकारी दिनुभयो । उहाँलाई मधुमेह र पिसाबको सङ्क्रमणको समस्या थियो ।
रामनारायण शाहलाई आइतबार अपराह्न अस्पताल भर्ना गरिएको थियो ।-रासस
