काठमाडौं । जेन-जी आन्दोलनपछि बन्द रहेका यातायात कार्यालय सञ्चालनमा आउन थालेका छन ।
यातायात व्यवस्था विभागको सर्भर मर्मत भएसँगै काठमाडौं उपत्यकाका ४ वटा कार्यालयबाट सेवा सञ्चालनमा आएका हुन्। यातायात व्यवस्था कार्यालय गुर्जुधारा, सानोभर्याङ र एकान्तकुनाका दुई वटा कार्यालयको सेवा पुन: सुरू भएका हुन् । यी कार्यालयबाट सवारी साधनको नवीकरणका साथै राजस्व पनि तिर्न सकिने छ ।
सवारी चालक अनुमति पत्रको भने काम सुरू भएको छैन । यातायात व्यवस्था कार्यालय राधे-राधे र चावहिल भने कहिलेदेखि सञ्चालनमा आउछन् भन्नेबारे अझै अनिश्चित छ । उपत्यकाबाहेकका कार्यालयहरूको हकमा भने छिट्टै सेवा सुरू गर्ने विभागका निर्देशक नरहरी तिवारीले जानकारी दिनुभयो ।
यता यातायात व्यवस्था विभागले सूरक्षण मुद्रणसँग १२ लाख सवारी चालक अनुमति पत्र लाइसेन्स छपाइको समझदारी पनि गरेको छ । विभागमा रहेको उपकरण जेन-जी आन्दोलनमा तोडफोड भएपछि सेवा अवरूद्ध थियो । मुद्रणले अतिआवश्यक पर्नेलाई दैनिक ५ सय सवारी चालक अनुमति पत्र छपाई गरेर दिने पनि प्रतिबद्धता जनाएको छ ।
